準備再出發~

搵地方去~

早幾個星期先知有朋友又係冇野做, 早知就同佢一齊去台灣踩單車啦..... 唔緊要, 我地可以plan 第二個旅行架嘛~ yeah~

就係咁, 我就同呢位林小姐一齊plan 旅行....

由於我地兩個都分別去左旅行, 冇時間plan, 咁我地唯有等大家返到hk 先算啦~ 橫掂大家大把時間... heheee!

一返到香港, 我地好快咁約出黎, 要諗去邊... 真係好頭痛.... 當初有諗住去哈爾濱, 但係而家夏天, 好似唔係好arm 時間...
之後就有人提議去張家界, 都好丫~ 但係我地大把時間.... 可以玩多幾個地方... 咁我地就諗住桂林山水甲天下, 咁不如埋去桂林啦~

我地搵搵下資料, 發現其實廣西都有好多野玩, 咁就不如廣西啦.... 越南又近... 咁就不如就去廣西+越南啦~ 暫定3個星期~


得出既結論係 - 我地心大心細.... 其實我地好多地方都想去, 最唔想係搵工之嘛.... 去邊都得~


開始做research~

既然定左地點, 就定好時間, 8月中出發, 睇機票, 車飛, 搵資料.... 仲有仲有, 最重要係visa, 我地去越南係要簽証既.... 盛惠hk$330 一位~ 一個月單次出入境~

申請完越南簽証之後, 過幾日就可以順利拎到visa, 可以訂機票.... 不過飛桂林既航班時間好似唔係幾好, 同埋我地要超早搭車去深圳機場.... 所以, 我地最後決定去中旅買車飛, 響深圳搭車去桂林~

由於林小姐arm arm 去完旅行, 我又響台灣返黎, 大家其實都冇乜時間plan.... 林小姐響網上面識到一個好熱心既台灣人, 佢響桂林住左一排, 對當地都好熟悉, 拎左佢既contacts.... 而我, 就係咁易問friend 借左本越南書.... 講真, 我真係冇乜時間搵料.... 一來我又要將台灣既所有野記低, finish 左個台灣trip 既野先, 唔想兩個trip mix 埋一齊..... 所以, 好努力寫blog.... 成個月既經歷, 我要盡快記低~ 二來, 我返到黎不停咁睇醫生... 因為之前響台灣既拗柴腳仲未好返, 仲係腫.... 但係我都睇左好多次跌打, 都仲係咁上下.... 之後有朋友介紹睇脊醫... 乜都試下啦... 好貴呀... 肉都痛埋.... 已經失業架啦, 仲要睇咁貴既醫生, 好窮呀....

我諗我唯一既貢獻係去銀行唱人仔同美金.... 因為越南係洗美金既....

就係咁, 我地響毫無行程既情況下, 買左兩張車飛去桂林, 去到先plan 行程.... 我地都真係short short 地....