Day 1 - 深圳

出發喇~
我地響中旅買左夜晚8點既車飛去桂林, 要早45分鐘去到車站, 咁我地約6點羅湖等, 時間應該好夠啦??!!....

我地兩個都早到少少, 諗住慢慢行去橋社上車.... 但係... 大鑊, 我先諗起我地兩個都係迷路之人.... 我地出左關, 去左羅湖商業城, 行上行落左一輪之後.... 先發現唔係呢度.....

又行左一輪, 終於搵到個方向... 但係我已經好"支力", 因為佢好多地方都係天橋, 我地拎住個0急, 佢雖然有斜路俾你拉... 但係我地都唔識拉... 落斜簡直係俾個0急拉返我地返轉頭, 好難控制....

我地大大話話, 係咁上落左好多次 (有d 係我地行錯路...), 終於去到橋社喇....

唉... 好辛苦.... 同埋, 我地搵到去都7點幾, 我地原來冇預多時間, 只係預左行錯路時間.... 諗諗下, 我地呢個trip 都好大鑊, 兩個盪失路既人去旅行, 仲要冇準備過野... 大鑊....

夠鐘上車~

 
好彩, 呢班車都有唔少鬼佬, 唔多local 人, 架車都幾乾淨, 係貴左d... 是但啦, 最緊要係安全~

 
我一上車, 梗係問司機要搭幾耐, 幾時會到桂林啦~ 問完就知死喇.... 佢話淩晨4點幾5點會到.... ????!!!! 唔係卦??!! 半夜??!! 點算呀??!! 鬼知點算咩... 去到先算囉... 鬼叫我地冇咩準備過咩.... 我地真係痴左....